خبرگزاری شبستان

پنج شنبه ۶ اردیبهشت ۱۳۹۷

الخميس ١١ شعبان ١٤٣٩

Thursday, April 26, 2018

وقت :   Saturday, June 17, 2017 خبر کوڈ : 68286

بحرین کے بزرگ عالم دین کے گھر کا محاصرہ جاری رہنے کی مذمت
خبررساں ایجنسی شبستان آیت اللہ شیخ عیسی قاسم کے گھر کا فوجی محاصرہ جاری رکھنے اور عام شہریوں کے خلاف سیکورٹی اور عدالتی کارروائیوں میں شدت لانے سے ملک کی صورتحال بد سے بدتر ہوتی جائے گی۔

بحرین کی آل خلیفہ حکومت نے گذشتہ تیئیس مئی کو منامہ کے مضافاتی علاقےالدراز میں ملک کے مذہبی رہنما آیت اللہ شیخ عیسی قاسم کےگھر پر حملہ کرکے وہاں ان کے حامیوں کے دھرنے اور پرامن اجتماع کو منتشر کردیا اور لوگوں پر اندھا دھند فائرنگ کرکے کم سے کم چھے عام شہریوں کو شہید کردیا تھا۔
بحرینی فوجیوں کے اس وحشیانہ حملے میں دو سو سے زائد عام شہری زخمی ہوئے تھے جبکہ تین سو دیگر کو گرفتار کرلیا گیا تھا۔
بحرینی فوجیوں نے سعودی عرب اور امریکا کی حمایت سے آیت اللہ شیخ عیسی قاسم کے گھر کا محاصرہ کررکھا ہے۔
جمعیت الوفاق نے اپنے بیان میں شیخ عیسی قاسم کے گھر کا محاصرہ جاری رکھنے کی وجہ سے ان کے علاج میں ہورہی مشکلات کا ذکرکرتے ہوئے کہا کہ ایسے لوگوں کے خلاف سیکورٹی اور عدالتی کارروائیوں میں شدت پیدا کرنے سے جو ملک میں آزادی اور جمہوریت کے حامی ہیں، صورتحال مزید پیچیدہ ہوگی۔
بیان میں بحرین کی سیاسی اور سیکورٹی کی صورتحال کے بارے میں خبردار کرتے ہوئے کہا گیا ہے کہ ملک میں پرامن سیاسی اجتماعات اور مظاہروں پر پابندی، فوجی عدالتوں میں عام شہریوں پر مقدمے اور سیکورٹی فورسز کے ہاتھوں عام شہریوں کے قتل اور تشدد کے بڑھتے ہوئے اقدامات ملک کے لئے انتہائی خطرناک ہیں۔
جمعیت الوفاق نے اپنے بیان میں انسانی حقوق کے اصولوں کے تحفظ میں اقوام متحدہ کے انسانی حقوق کونسل کے کردار اور اس کی اہمیت پر زوردیتے ہوئے آل خلیفہ حکومت کے ذریعے اس کونسل کے وفد کو بحرین کا دورہ کرنے کی اجازت نہ دینے کے فیصلے کی مذمت کی ہے۔
جمیعت الوفاق نے عالمی برادری سے اپیل کی ہے کہ وہ آل خلیفہ حکومت پر دباؤ ڈالے کہ وہ بین الاقوامی قوانین کا احترام کرے۔

تبصرے

نام :
ایمیل:(اختیاری)
رائے ٹیکسٹ:
ارسال

تبصرے

سروس کی خبروں کی سرخیاں

آیت اللہ مکارم شیرازی:

ٹیلیگرام کا مالک امریکہ اورصہیونزم کا ایجنٹ ہے

خبررساں ایجنسی شبستان: آیت اللہ مکارم شیرازی نےسوشل نیٹ ورک ٹیلیگرام کی طرف اشارہ کرتے ہوئےکہا ہےکہ اس نیٹ ورک کا مالک روس کا رہنے والا یہودی ہےکہ جو امریکیوں اورصہیونیوں کے حکم پرعمل کرتا ہے۔

منتخب خبریں