خبرگزاری شبستان

دوشنبه ۷ خرداد ۱۳۹۷

الاثنين ١٤ رمضان ١٤٣٩

Monday, May 28, 2018

وقت :   Sunday, June 18, 2017 خبر کوڈ : 68293
حجۃ الاسلام مرزا محمدی:
دعا،الہی عنایت کا ایک بہانہ ہے
خبررساں ایجنسی شبستان: حجۃ الاسلام مرزا محمدی نےاس مطلب کہ دعا، اللہ کی بارگاہ میں گدائی ہے،کی وضاحت کرتے ہوئے کہا ہے کہ دعا، الہی عنایت اورعطا کا ایک بہانہ ہے۔

خبررساں ایجنسی شبستان کی رپورٹ کےمطابق حوزہ علمیہ کےاستاد حجۃ الاسلام محمد مرزا محمدی نےشب قدرکی مناسبت سے تہران کی ارگ مسجد میں خطاب کرتے ہوئےکہا ہے کہ دعا، حضرت حق تعالی سے تمنا اورگدائی ہے کہ جس کے لیے اس کی اجازت کی ضرورت ہے، درحقیقت دعا، اللہ کی بارگاہ میں گدائی ہے۔

انہوں نےمزید کہا ہےکہ امام علی علیہ السلام نہج البلاغہ کے خط نمبر۳۱ میں فرماتے ہیں:جان لو کہ وہ خدا کہ جس کے پاس پوری کائنات کے خزانے ہیں، اس نے تمہیں دعا کرنے اوراسے پکارنے کی اجازت دی ہوئی ہے لہذا اللہ نے انسان کو اجازت دی ہے اورخود اس کی قبولیت کی بھی کفالت کی ہے۔

حجۃ الاسلام مرزا محمدی نے کہا ہےکہ اللہ تعالیٰ قرآن کریم میں فرماتا ہے: جونہی ہم نے دعا کی اجازت دی ہے اسی نے بغیرکسی  حجاب اوررکاوٹ کےاس کی قبولیت کی بھی ضمانت دی ہے، اس آیت کی بنا پردعا کرنا عطا اورعنایت کا ایک بہانہ ہے۔

انہوں نے اللہ تعالیٰ کے تمام الہی وعدوں کو حق قراردیتے ہوئےکہا ہےکہ اللہ تعالیٰ نے انسان کو حکم دیا ہےکہ وہ اس کے فضل کی درخواست کرے بنابریں مومن کو اللہ کی بارگاہ سے اپنے امورکی دعا کرنی چاہیے کیونکہ وہ اپنی رحیمیہ رحمت کے ساتھ مومن کو عطا کرتا ہے اوریہ دوسروں کو شامل نہیں ہے۔

حوزہ علمیہ کے استاد نےآخرمیں کہا ہےکہ ائمہ اطہارعلیہم السلام نے لوگوں کو کثرت کے ساتھ دعا کرنے کی تاکید فرمائی ہے،کثرت دعا اورمحبت الہی کو جلب کرنے کے درمیان بہت گہرا ارتباط پایا جاتا ہے کیونکہ اللہ تعالیٰ ہراس شخص کو پسند کرتا ہےکہ جو اس کی بارگاہ میں گدائی کرے اوراگر یہ عمل اصراراورکثرت دعا پرختم ہو تو اللہ تعالی اپنے لطف وکرم سے اسےعطا کرتا ہے۔

۶۳۶۳۵۹

 

تبصرے

نام :
ایمیل:(اختیاری)
رائے ٹیکسٹ:
ارسال

تبصرے

سروس کی خبروں کی سرخیاں

دین کی نظر میں عبادت کی اقسام

سماجی: ایران کے نامور خطیب اور معلم اخلاق نے کہا قرآن کریم اور روایات اہل بیت(ع) میں سعادت اور خوشبختی کے بہت معانی بیان ذکر کئے گئے ہیں ایک جگہ پر پیغمبر اسلام(ص) نے خوشبختی اور سعادت کے متعلق فرمایا ہے وہ عبادت خدا کیلئے طول عمر ہے۔

منتخب خبریں