خبرگزاری شبستان

سه شنبه ۴ اردیبهشت ۱۳۹۷

الثلاثاء ٩ شعبان ١٤٣٩

Tuesday, April 24, 2018

وقت :   Sunday, July 16, 2017 خبر کوڈ : 68655
استاد حسین انصاریان:
شیعہ عرفان، آیات و روایات سے اخذ کیا گیا ہے
شبستان نیوز: قرآن کے مفسر اور محقق نے کہا ہے کہ عرفان ایک ایسی باطنی حالت ہے جو قرآن اور اہل بیت(ع)کی روایات سے مکمل طور پر متمسک ہو کر حاصل ہوتی ہے۔در حقیقت یہ حالت خدا وند متعال کی نورانی آیات اور ائمہ ہدیٰ علیہم السلام کی روایات سے لی گئی ہے۔

شبستان نیوز ایجنسی نے علمی و ثقافتی ادارے دار العرفان کے عمومی و بین الاقوامی روابط کے شعبے کے حوالے سے خبر نشر کی ہے کہ استاد حسین انصاریان نے شمالی لبنان میں علوی مشایخ اور ائمہ جماعت کے ایک اجتماع سے ملاقات میں اس بات کا اظہار کیا ہے کہ شیعی عرفان حقیقت میں دعائے کمیل، دعائے ابوحمزہ ثمالی اور دعائے عرفہ امام حسین علیہ السلام  میں موجود اعلیٰ معارف و مفاہیم کا ایک گوشہ ہے۔

علوم قرآنی اور معارف اسلامی کے محقق نے اپنی بات کو جاری رکھتے ہوئے کہا کہ شیعی عرفان اپنی ماہیت و حقیقت کے لحاظ سے اس عرفان سے مختلف ہے جو ماضی میں رائج رہا ہے یا موجودہ زمانے میں ہمیں جس کا سامنا ہے۔ انہوں نے کہا کہ اگرچہ انسان کے بنائے ہوئے عرفان کا رنگ ڈھنگ خدائی ہوتا ہے، مگر یہ عرفان انسان کو مرکزی حیثیت دیتا ہے اور اس عرفان کے حامل افراد، لوگوں کو غیر خدا کی طرف دعوت دیتے ہیں۔

حوزہ علمیہ کے استاد نے کہا کہ شیعی عرفان قرآن مجید اور اہل بیت علیہم السلام کے بلند معارف و تعلیمات کو مرکزی حیثیت دیتا ہے۔ ایسی تعلیمات جو خداوند کریم کی طرف سے نازل کی گئی ہیں اور حقیقت میں تمام انسانوں کو خدا کی طرف دعوت دیتی ہیں نہ کہ غیر خدا کی طرف بلاتی ہیں۔

642196

 

تبصرے

نام :
ایمیل:(اختیاری)
رائے ٹیکسٹ:
ارسال

تبصرے

سروس کی خبروں کی سرخیاں

حجت الاسلام فرحزاد:

تمام اہل بہشت ہمیشہ کیلئے امام حسین(ع) کے مہمان ہیں

سماجی: ایران کے نامور خطیب حجت الاسلام حبیب اللہ فرحزاد نے کہا تمام اہل بیت(ع) ہمیشہ کیلئے سید الشہدا حضرت امام حسین(ع) کے مہمان ہیں آپ کی ولادت باسعادت کے وقت ملائکہ نے بہشت کو سجایا اور آپ کی آمد پر پیغمبر اسلام(ص) کو مبارک باد دی۔

منتخب خبریں