خبرگزاری شبستان

سه شنبه ۴ اردیبهشت ۱۳۹۷

الثلاثاء ٩ شعبان ١٤٣٩

Tuesday, April 24, 2018

وقت :   Thursday, January 11, 2018 خبر کوڈ : 70992

یمن پر وحشیانہ سعودی جارحیت
خبررساں ایجنسی شبستان سعودی عرب اور اس کے اتحادی طیاروں نے شمال مغربی صوبے صعدہ کے ہی غمر شہر پر بمباری کرکے کم سے کم دو بچوں کو شہید کردیا جبکہ ان حملوں میں ایک خاتون اور دوبچے زخمی ہوگئے۔

سعودی جنگی طیاروں نے جمعرات کو صوبہ صعدہ کے ہی باقم شہر میں ایک رہائشی مکان پر حملہ کردیا اس حملے میں بھی دو یمن بچے شہید اور چار افراد زخمی ہوگئے ہیں۔
دوسری جانب میڈیا رپورٹوں میں کہا گیا ہے کہ صوبہ الحدیدہ میں سعودی عرب کے ذریعے جاری محاصر کے نتیجے میں ایک بہت بڑا انسانی المیہ رونما ہو رہا ہے اور دواؤں کی قلت کی وجہ سے مختلف امراض میں مبتلا افراد موت کے خطرے سے دوچار ہوگئے ہیں۔
اس درمیان یمن کی فوج اور عوامی رضا کار فورس نے جنوبی صوبے تعز میں الشقب اور المفالیس محاذوں پر سعودی اتحادی فوجیوں کے اڈوں پر حملے کئے ہیں۔
یمنی فوج اور عوامی رضاکارفورس کے جوانوں نے اپنی ان کارروائیوں میں سعودی عرب کے پندرہ اتحادی فوجیوں کو ہلاک اور متعدد دیگر کو زخمی کردیا ہے۔ یمن سے ہی ایک خبر یہ بھی ہے کہ یمن کے مغربی ساحل کے محاذ پر سعودی عرب سےوابستہ ایجنٹ عبدالرحمن الصبیحی اور اس کے کئی ساتھی یمنی فوج کے حملے میں ہلاک ہوگئے ہیں۔
اس سے پہلے یمنی ذرائع نےاعلان کیا تھا کہ سعودی جنگی طیاروں نے صوبہ ابین کے علاقے ھمدان کے الاستقبال فوجی اڈے پر حملے میں کلسٹر بموں کا استعمال کیا ہے۔
درایں اثنا یمن کے علما نے اپنے ایک اجلاس میں ملک کے مختلف علاقوں میں سعودی عرب اور اس کے اتحادیوں کے وحشیانہ حملوں کی مذمت کرتے ہوئے یمنی شہریوں سے کہا ہے کہ وہ یمنی فوج کی صف میں شامل ہو کر سعودی عرب اور متحدہ عرب امارات جیسے دشمنوں کا ڈٹ کر مقابلہ کریں۔ اس درمیان خبر ہے کہ یمنی فوج اور عوامی رضاکارفورس نے سعودی عرب کے اندر نجران میں سعودی فوجی اڈے پر زلزال دو میزائل سے حملہ کیا ہے۔ یمنی فوج نے یہ میزائلی حملہ نجران کے عباسہ فوجی اڈے پر کیا ہے جس میں سعودی فوج کو خاصہ جانی اور مالی نقصان پہنچا ہے۔

تبصرے

نام :
ایمیل:(اختیاری)
رائے ٹیکسٹ:
ارسال

تبصرے

سروس کی خبروں کی سرخیاں

بین الاقوامی قرآنی مقابلوں میں شرکت کرنے والے قراء و حافظان قرآن کا امام خمینی(رہ) کو خراج تحسین

بین الاقوامی: بین الاقوامی قرآنی مقابلوں میں شرکت کرنے والے افراد نے گذشتہ روز امام خمینی(رہ) کے مزار پر حاضری دی۔

منتخب خبریں