خبرگزاری شبستان

چهارشنبه ۳۰ خرداد ۱۳۹۷

الأربعاء ٧ شوّال ١٤٣٩

Wednesday, June 20, 2018

وقت :   Saturday, February 17, 2018 خبر کوڈ : 71520
حجۃ الاسلام قاسمیان:
عبادت کی حقیقت ، جمال الہی کی زیارت کے لیے خشوع وخضوع کا نام ہے
خبررساں ایجنسی شبستان: حوزہ علمیہ کے استاد نےکہا ہےکہ عبادت کی حقیقت،جمال الہی کی زیارت کے لیےخشوع وخضوع کا نام ہے۔ اللہ تعالیٰ نے جن وانس کو عبادت کے لیے خلق فرمایا ہے تاکہ اس کے ساتھ محبت آمیزاورعاشقانہ رابطہ برقرارکرے اورپھراس رابطےسے لذت حاصل کرے۔

خبررساں ایجنسی شبستان کی رپورٹ کےمطابق حوزہ علمیہ مشکات کے سربراہ حجۃ الاسلام غلام رضا قاسمیان نےشریف یونیورسٹی میں حضرت زہرا سلام اللہ علیہا کی شہادت کی مناسبت سے منعقد ہونے والی مجلس عزاء سےخطاب کرتے ہوئےکہا ہےکہ اعمال کی اہمیت اورقدروقیمت میں نیت کا اصلی کردار ہے۔

انہوں نے مزید کہا ہےکہ فقہی اوراخلاقی بحث میں نیت مکمل طورپرمختلف ہے۔اخلاقی بحث میں نیت قرب الہی کےلیے ہے۔ انسان کی خلقت کا اصلی مقصد، محبت الہی کا حصول ہےاورعبادت بھی قرب الہی کے لیے ہےاگرجنت کے حصول اورجہنم کے خوف سے نیت بھی ہوتو کوئی ہرج نہیں ہے۔

حجۃ الاسلام قاسمیان نےکہا ہےکہ جنت میں جانےکا شوق بھی عاقلانہ ہے کیونکہ بعض اوقات جنت میں جانےکا یہ شوق اورجہنم سےخوف بھی انسان کو آہستہ آہستہ الہی محبت اورقرب کی جانب لے کرجاتا ہے۔

انہوں نے دینی حکومتوں کے بارے میں کہا ہے کہ انبیاء کی ایک روش یہ ہے کہ وہ معارف کو قلبی ایمان میں تبدیل کریں اورکسی کو زبردستی ایمان لانے پرمجبورنہ کریں۔ جب اہداف اورافکارایمان میں تبدیل نہ ہوں اس وقت انقلاب کی لہراٹھتی ہے لیکن عوام اس کے ساتھ مانوس نہیں ہوتی ہے جس کی وجہ سے ظاہری طورپران کی حکومت کامیاب نظرنہیں آتی ہے۔

حوزہ علمیہ مشکات کے سربراہ نےآخرمیں کہا ہےکہ اللہ تعالیٰ سورہ یونس میں اپنے پیغمبرسے خطاب کرتے ہوئےفرماتا ہےکہ اگرمیں چاہتا تو تمام لوگوں کو زبردستی مومن کردیتا لیکن میں صبرکرتا ہوں تاکہ وہ معرفت کے ساتھ ایمان لےکرآئیں۔

690072

 

 

تبصرے

نام :
ایمیل:(اختیاری)
رائے ٹیکسٹ:
ارسال

تبصرے

سروس کی خبروں کی سرخیاں

ڈاکٹر حسن روحانی:

قطر سے تعلقات کے فروغ میں کوئی رکاوٹ نہیں ہے

سیاسی: اسلامی جمہوریہ ایران کے صدر نے ایران اور قطر کے تعلقات میں بہتری کا خیرمقدم کرتے ہوئے کہا قطر سے بہتر تعلقات میں کوئی رکاوٹ نہیں ہے کیونکہ قطر ہمارا ہمسایہ ملک ہے اور ہم ہمیشہ قطر کے ساتھ کھڑے ہیں۔

منتخب خبریں